தமிழ் மாதங்கள், நாள், நட்சத்திரங்கள் கணக்கிடுவது எப்படின்னு யாருக்காவது தெரியுமா?

ஜாதகம் கணிப்பதற்கென சில மென்பொருட்கள் இருக்கு. அதே மாதிரி ஏதாவது டி.எல்.எல். கோப்பு அல்லது க்ளாச் மாட்யூல் வடிவத்துல எங்கயாவது தமிழ் பஞ்சாங்க கணிப்புகள் இருக்கா?

டக்-ன்னு ஒருவரின் இறந்த தேதியைக் கொடுத்தால், அடுத்த நொடி அவருக்கு இந்த ஆண்டு திவசம் எப்போ வருதுன்னு தெரிஞ்சுக்கணும். இன்னும் பத்து வர்்ஷம் கழிச்சு அவருக்கு என்னிக்கு தெவசம் வருதுன்னும் தெரிஞ்சுக்கணும்.


ஆங்கிலத்தேதிக்கு நிகரான தமிழ்த்தேதிகளும் வரவெச்சுக்கலாமே எல்லா வலைப்பதிவு, வலைத்தளத்துலயும்?

நான் மின்ன அமாவாசைக்கென ஒரு நிரல் எழுதி இருந்தேன். அதாவது 30 நாட்களுக்கொரு முறை என்ற அல்காரிதப்படி. சரியா அமாவாசைக்கு முதல்நாள் இரவு கணிப்பொறியில் துழாவும் பொழுது "நாளைக்கு அமாவாசை... தெரிஞ்சுக்கோ. சீக்கரமா எழுந்து தர்ப்பணம் பண்ணிட்டு ஆபீஸ் போற வழியப்பாரு"ன்னு நினைவு படுத்தும். ஆனா 30 நாளுக்கொரு முறை சுழற்சியில் அது இல்லைன்னு போகப்போகதான் தெரிஞ்சது. நாழிகைக் கணக்கில் வருகிறது இதுவும்.

தமிழர்ப் பண்டிகைகள், இதர இந்துமதப் பண்டிகைகள், க்ரஹணம்ன்னு என்னென்னவோ இருக்கு. பஞ்சாங்கத்துல சரியா கணிச்சு போட்டுடறாங்க. ஆனா அது எல்லாம் ஒரு குறிப்பிட்ட வருடத்திற்கு மட்டும்தான் இருக்கு. ப்ரோக்ராம் எழுதினா எல்லாத்துக்கும் தெரிஞ்சுக்கலாமே?

கிட்டத்திட்ட கணிப்பொறி செயலிகள் எழுதக் கற்றுக்கொண்ட நாள்முதலே இந்த ஆசை என்னை முழுசா வ்யாபிச்சுருக்கு. என்னோட மாமாவிடமிருந்து இதைப் பற்றிய கணக்கை விவரம் ஓரளவு அறிதுகொண்டேன். இன்னும் விரிவா தெரிஞ்சுக்கணும்.

யாருக்காவது நாழிகைச்சுற்று, வருட/மாதக்கணக்கு போன்றவை தெரியுமா? தெரிஞ்சா கொஞ்சம் சொல்லித்தறீங்களா? அல்லது இதைப் பற்றி விரிவா தெரிஞ்சுக்க ஏதாவது புத்தகம், வலைத்தளங்கள் இருக்கா?