கடந்த சிலநாட்களாக சிலபல அலுவல் காரணமாக இணையத்துப் பக்கம் அவ்வளவு நின்றுலவ இயலவில்லை.இன்று சுதந்திர தினமாதலால் எல்லோருக்கும் வாழ்த்திட வேன்றுமென்று தோன்றியது.

பொதுவாகவே "வாழ்த்து தெரிவிப்பதற்கான" பொருள் இன்னதென்று நான் அறியேன். இருந்தாலும் மகிழ்ச்சிக்கணங்களுக்கு உரு கொடுக்க வாழ்த்து தெரிவித்துக் கொள்வது பொருள் படும் என்றே தோன்றுகிறது.

ஊஉ, ல லா, லா! மேற்கண்ட இரு பத்திகளின் "செந்தமிழ்" நடைக்குக் காரணம்-வேற ஒன்னுமில்லை. சுதந்திர தினத்துக்கு "முட்டாயி" தின்னு முடிச்ச கையோட, வரலாறுக்காக ஒரு வலைத்தளம் தொடங்கி இருக்கும் சில சரித்திரப் பித்தர்கள். தொடங்கி "இருகோம்"=பொன்னியின்செல்வன் குழு வழி அறிமுகமாகி இப்போ மூழ்காத ஷிப்பில் பயணித்துக் கொண்டிருக்கும் சில நண்பர்கள்.

http://www.varalaaru.com

ஏதோ ஆகஸ்டு 15 சுதந்திர தினத்துக்குள்ள ஆரம்பிக்கணும்னு அவசர அவசரமா டொமெய்ன் நேம் வாங்கி, அவசர அவசரமா கோடிங் எழுதிப் பண்ணியாச். இந்த வாரத்துக்குள்ள இன்னும் சரியா வடிவமைச்சுடணும்.