இதப்படிக்காதீங்க மொதல்ல...!

ரஜினி ராம்கி எழுதிய புத்தகத்தில் ரஜினி முன்னேறிய கதை சொல்லும் அத்யாயங்கள் படிப்பது தன்னம்பிக்கை தருவதாக இருந்தது இல்லையா? அவரையும் ஏதோ மதித்து LIBA management studies institute ல் விசிட்டிங் ப்ரொபசராக உரையாற்ற அழைப்பு வந்ததாம். ஒரு மணிநேரம் உரையாற்ற பெரிய சைபர் நோட்டு ஒன்றைக் கேட்டுள்ளாராம் ராம்கி. மேனேஜ்மெண்ட்டு ஸ்டடீஸின் மேனேஜ்மெண்டுக்காரர்கள் ராம்கி எழுதும் அடுத்த புத்தக ரிசல்டுக்காக காத்திருக்கிறார்கள் வானம் இடிஞ்சா தலையில, மனசு இடிஞ்சா மண்ணுல.

ஐகாரஸ் ப்ரகாஷ் வெற்றிகரமாக வலைப்பதிவாளர்கள் சந்திப்பை ஒருங்கிணைத்தாலும் இணைத்தார், ஏரியாப்பக்கம் ரொம்ப மவுசு குடிவிட்டது. அடுத்த வார கோயம்பேடு மாநகரின் மேயர் பதவிக்கு கட்சியின் சார்பில் போட்டியிடுமாறு நாளேடு நடத்தும் அந்த பிரபல கட்சியால் நச்சரிக்கப்பட்டு வருகிறார். கட்சி தொல்லையிலிருந்து தப்பிக்க நண்பர்களின் யோசனைப்படி ஒரு மாதம் தலைமறைவாக எங்காவது போய்விட முடிவெடுத்து இருக்கிறார். போன இடத்தில் வலைப்புக்கள் பார்க்க எழுத்துரு, கீ போர்ட் ட்ரைவர் இத்யாதி தொடர்பாக விசாரித்து வருகிறார். பெருச்சாளிகள் படுத்தினாலும் காட்டுக்குப் போகாதே, வீட்டுக்குப் போ.

சமீபத்தில் அதிகமான பின்னூட்டம் இட்ட வலைப்பதிவர் விருது ரோசாவசந்துக்குக் கொடுக்கப்பட்டது. "வலைப்பதிவதை விட பின்னூட்ட ரோல்களிலேயே அதிகம் நடிக்கிறீர்களே, உங்கள் ரசிகர்களுக்கு இது ஏமாற்றமாக இருக்காதா?" என்று கேட்டால், மன நிறைவே முக்கியம் என்று புன்னகைக்கிறார். அடிசா சிணுங்குமாம் மத்தளம், தொட்டாலே நொறுங்குமாம் அப்பளம்.

தேசிகன் மற்றும் பத்ரி எழுதிய சிறுகதைகள் எளிமையாக பாமரர்களுக்கும் புரியும்படி இருப்பதால் அடுத்த மாதம் "கிளுகிளுப்புக் கதைகள்" என்ற தலைப்பில் சிறுகதைத் தொகுப்பாக வெளிவருகிறது. வெளியீட்டு விழாவின் பொழுது "பெண்ணுரிமையும் கழுதை வளர்ப்பும்" என்ற தலைப்பில் திருமதி. உஷா ராமச்சந்திரன் சிறப்பு உரை ஆற்ற இருக்கிறார்.

"உங்கள் வலைப்பூவில் ஒவ்வொரு அமாவசைக்குமாவது எழுதக்கூடாதா?" என்று நண்பர் ஒருவர் ஷங்கரை ஆதங்கத்துடன் கேட்டிருக்கிறார். ரசிகனுங்க வரானுங்கோ, படிக்றான்கோ. பின்னூட்டம் போட ஃபெசிலிடி பண்ணிட்டேன். இதவுட வலைப்பூவுக்கு வேற என்ன பண்ணனும் என்று ஒரே போடாகப் போட்டு விட்டாராம். வாயில் ஒரு ப்ளாஸ்திரியுடன்தான் இப்பொழுதெல்லாம் அந்த நண்பர் ஷங்கரைப் பார்க்க வருகிறாராம். பேயாமப் பேயுமாம் மழை. பேஞ்சா தாங்காதாம் ஊரு.

நிறைய சாஃப்ட்வேர் சிடிக்கள் வைத்திருக்கும் தகவல் தெரிந்து, ஒரிஜினலா டூப்ளிகேட்டா என்று பார்க்க கம்ப்ளெய்ன்ட் வந்ததால் பத்ரி வீட்டுக்கு NASSCOMல் இருந்து ரெய்டுக்கு அதிகாரிகள் வந்தனர். அத்தனையுமே ஓப்பன் சோர்ஸ் சாப்ட்வேர் என்று தெரிந்ததும் NASSCOM அதிகாரிகள் முகத்தில் ஈயாடவில்லையாம். "எவ்வளவு தூரத்திலிருந்து வந்துருக்கோம். காப்பி செலவுக்காவது துட்டு குடுங்க" என்று அதிகாரிகள் பரிதாபத்துடன் கேட்டிருக்கின்றனர். உடனே அத்தனை மென்பொருட்களையும் ஒரு "காப்பி" எடுத்து பொட்டலம் கட்டிக் கொடுத்தாராம் பத்ரி. பயந்தவனுக்கு இருண்டதெல்லாம் பிசாசு, இருண்டவனுக்கு பார்த்ததெல்லாம் பைரசி.

• ஆசிஃப் மீரான் தன் கைத்தொலைபேசியில் "ஏய், கைய வெச்சுகிட்டு... சும்மா இர்ருடா..." ரிங்டோன் வைத்துள்ளார். இவர் பிரசன்னா எழுதும் கவிதைகளை நிறையப் படிப்பாராம்.
• ஷ்ரேயா இப்பொழுதெல்லாம் எழுத்தில் மட்டும் கவனம் செலுத்துவதால் டெம்ப்ளேட், டூடில் போர்ட் போன்றவற்றுக்கு தற்காலிகமாக 'குட்பை' சொல்லி உள்ளார்.
• க்ருபா ஷங்கர் புதிதாக ஒரு செலரன் 2.4 கிகா ஹெர்ட்ஸ் கணிப்பொறி வாங்கியுள்ளார்.
• மதி யாஹு 360யில் ஒரு வலைப்பதிவு தொடங்கி, பார்த்த படங்கள் பற்றி, பிடித்த புத்தகங்கள் பற்றி, கிழக்கு பதிப்பகத்தில் வாங்கவேண்டிய புத்தக லிஸ்ட் பற்றி, யாஹுவின் வலைப்பதிவு சேவை பற்றி எல்லாம் எழுதி வருகிறார்.