"ஆமா என்னடா வழக்கம் போல ஆஃபீசுல தூங்காம இன்னிக்கு இப்படி சோகமா கண்முழிச்சு இருக்க?"

"அத ஏன் கேக்கற! தமிழ்ல ஒரு லவ்லட்டர் எழுதினேன். தனியா ஒரு வலைப்பதிவு ஆரம்பிச்சு திவ்யாகிட்ட இணையத்துல போய்ப் படின்னு URL குடுத்தேன். அவ என்னடான்னா Firefoxல பார்த்து இருக்கா. 'பேசறதும் புரியலை, எழுதறதும் புரியலைன்னாலும், கம்ப்யூட்டர்ல டைப் பண்ணினது கூடவா இப்படி புரியாம இருக்கும்'னு என்னைப் பார்த்து அதிசயப் படறா."

"ஓ, வலைப்பக்கத்துல லவ் லட்டரா! பரவாயில்லை. அது சரி யாரு அது திவ்யா? பொண்ணு எப்படி?"

"பக்கத்து வீடுடா மச்சான். செம்ம அழகு"

"அறிவு?"

"அதுவும் சூப்பர்டா. எந்தப் பிரச்சனையையும் ரெண்டு கோணத்துல இருந்து நல்லா அலசிப்பார்ப்பா."

"எதை வெச்சு சொல்ற?"

"வீட்டுக்குக் குடிவந்த புதுசுல 'மே ஐ நோ யுவர் good நேம்'னு கேட்டா. 'சிவா'ன்னு பதில் சொன்னேன். ஒடனே 'மே ஐ நோ யுவர் bad நேம்'ன்னும் கேட்ட்டா."

"கஷ்டகாலம். உன்னை நல்லா அலசித்தான் பார்த்து இருக்கா. ஒனக்கு இவதான் சரி. ரொம்ப அதிகமா bad நேம் எடுத்துட்டயோ அவகிட்ட? அத வுடு, firefox-la எப்படி தெரிஞ்சது எழுத்துக்கள்?"

"இல்லடா அப்பப்போ ஜன்னல் வழியா பார்ததா அவகிட்ட 'ஹலோ' 'ஹாய்' சொல்லுவேன். அவ்வளவுதான். இது போய் பெரிய விஷயமா?"

"நீ எதுக்கும் justify பண்ணாத. அப்போதான் ப்ரச்சனை வராது."

"இல்லடா, நெஜம்மா. வேற எதுவும் பேசினதே இல்லை."

"அத சொல்லலை. தமிழ் எழுத்துக்கள்ல லவ் லெட்டர் எழுதினா, கம்ப்யூட்டர்ல, வலைப்பதிவுல எல்லாம் text-align ப்ராப்பர்டில justify-ங்கற வார்த்தையைப் போடாதேன்னு சொன்னேன்."

"ஓ, அப்போ text-align=justifyன்னு இருந்தா firefoxல ப்ரச்சனை வருமா?"

"ம், ஆமாம். firefoxக்கு தமிழ் எழுத்துக்களை சரியா justify பண்ணத் தெரியாது. அதனால நம்ப வலைப்பக்கங்களை யாராவது firefoxல படிக்கற மாதிரி தெரிஞ்சா, text-align: justifyன்னு எங்கயுமே போடக்கூடாது. Firefoxக்கு தமிழ்ல எழுதினதை justify பண்றது புடிக்காதுன்னே வெச்சுக்கோ."

"Firefox என்ன இலக்கிய விமர்சகரா, எழுதினதை justify பண்ணினா புடிக்காதுங்கறதுக்கு? சரி போ. எனக்கு எப்படியாவது அவளை அந்த லவ்லட்டரைப் படிக்க வைக்கணும். ஆனா அவ Firefoxதான் யூஸ் பண்ணுவேன்னு ஒரு கொள்கையோடவே இருக்கா."

"அப்போ textalign=justifyஐ எடுத்து விட்டுடு. ப்ளாக் டெம்ப்ளேட் ஏதாவதை 'சுட்ட'யா? அதெல்லாம் இங்க்லீஷ் blogsக்கு பண்ணினது."

"ஆமாம், 'சுட்ட'பழம்தான். அழகா இருந்துதேன்னு சுட்டேன். ஆனா நான் Internet Explorerதான் உபயோகிப்பேன். அழகான justifyஐ விடறதுக்கு எனக்கு மனசு இல்லை. Word Document மாதிரி வலைப்பக்கத்தை பளிச்னு காமிக்கற justifyஐ விட்டுட்டு firefoxக்கு பயப்படறதாவது! சான்ஸே இல்லை."

"அப்போ ஒன்னு பண்ணு. firefox rendering engineஐ நீயே கொஞ்சம் கை வெச்சு மாத்திடு. அப்போதான் சரியாகும்."

"மவனே, என் காதல் engineஐயே சரிபண்ண முடியாம தவிக்கறேன், firefox என்ஜினாம் firefox என்ஜின். வேற எதாவது ஐடியா இருந்தா சொல்லு. மேலும், நான் அவளைப் போய் புது firefox யூஸ் பண்ணு, பழைய waterdog யூஸ் பண்ணு, பம்பரம் விடுன்னு எல்லாம் கட்டுப் படுத்த முடியாது. தெரிஞ்சா சொல்லு, என் தலைமுறையே உன்னை வாழ்த்தும்... இல்லேன்னா...."

"இல்லேன்னா....? justifyஐ leftனு மாத்திடுவியா?"

"இல்லை, எதிர்வீட்டுப் பொண்ணுக்கு மாறிடுவேன்."

"அடப்பாவி!"

"பின்ன? ஏதாவது கோடிங்க், கீடிங்க் எழுது என் காதலை வாழவைப்பேன்னு பார்த்தா...."

"சரி, இரு. என் வீட்டு மாடிப் பொண்ணுக்கு யூஸ் ஆகும்னு நானும் ஒரு ஐடியா பண்ணி வெச்சு இருக்கேன். நான் ஒரு கோடிங்க் தரேன். அதை அப்படியே உன்னோட வலைப்பதிவு டெம்ப்ளேட்ல கீழ இருக்கற lt;/body> tagக்கு மேல paste பண்ணிடு. எல்லாம் சரியாகிடும்."

"Internet Explorer-ல justified text தொலைஞ்சு போய்டாதே?"

"போகாது போகாது. அங்க அப்படியே justify பண்ணித் தெரியும். நான் ஒன்னோட பைக் கேட்டா பெட்ரோல் இல்லன்னு கூசாம பொய் சொல்லுவ. ஆனா நம்ப ஆஃபீஸ் மாலதியோட அண்ணன் கேட்டா அப்படி சொல்வியா?"

"டேய், என்னடா இப்படி திடீர்ன்னு அதையெல்லாம் சொல்ற! பைக் என்ன, காரே வாங்கித் தரேன். என் காதலுக்கு ஒரு ரோடு போட்டுக்குடுடா..."

"அதுக்கு சொல்லலை. நீ பண்ற மாதிரியே, நான் தர்ர இந்த scriptம் வலைப்பக்கம் லோட் ஆனதும் என்ன ப்ரௌசர்ன்னு மொதல்ல பார்க்கும். Internet Explorerன்னா பைக் சாவியக் குடுத்துடும். வேற ஏதாவது ப்ரௌசர்ன்னா, text-align=leftனு மாத்திடும்."

"நீ சொன்னதுல ஒன்னே ஒன்னுதாண்டா புரிஞ்சது."

"என்ன?"

"நான் ஒனக்கு பைக் தராததுல செம கடுப்புல இருக்க."

"அதெல்லாம் கவலப்படாத மாம்ஸ். நான் சொன்ன மாதிரி நான் தர்ர அந்த ஸ்க்ரிப்ட்டை உன்னோட டெம்ப்ளேட்ல சேர்த்துடு. அவ்வளவுதான். அதுவே உன்னை அந்த திவ்யாவோட சேர்த்து வெச்சுடும்."

"சரி, குடு அந்த ஸ்க்ரிப்ட்டை. அப்படியே டிக்டேட் பண்ணு, நான் டெம்ப்ளேட்ல டைப் பண்றேன்."

"நீ ஸ்கூல்ல வாத்தியார் சொல்ற நோட்ஸ் எழுதி, எழுதி ரொம்பதான் கெட்டுப்போய்ட்ட. சரி, இந்தா சொல்றேன், டைப் அடி.

<script>
function JustificationVaendaam()
{
var arTags="body,table,tr,td,th,div,p,span,ul,li,h1,h2,h3,h4,h5,h6,h7,i,b,small,strong,a"
arTags=arTags.split(",")
for(lngarStart=0;lngarStartJustifyYeduththudu(arTags[lngarStart])
}

function JustifyYeduththudu(strTagName)
{
var ob=document.getElementsByTagName(strTagName)
for(lngStart=0;lngStartob.item(lngStart).style.textAlign="left"
ob=null
}
if(navigator.appName.indexOf("Microsoft Internet Explorer")<0) JustificationVaendaam()
</script>

"

"முடிச்சுட்டேண்ட்டா மச்சான்."

"சரி, நான் களம்பறேன். வீட்டுக்குப் போகணும். மொட்டை மாடில வெய்யிலுக்கு வடாகம் போட்ருப்பா எங்க அம்மா. போய் எடுத்து வைக்கணும். ரொம்ப காஞ்சுப் போய் இருக்கும்."

"காஞ்சுப்போய்தானே மாடி வழியா மொட்டை மாடிக்குப் போகறேங்கற?"

"வேண்டாம், நீ ஓவராப் பேசற..."

"கோச்சுக்காதடா, சும்மாக் களாய்ச்சேன். சரிடா, நீ சொன்ன மாதிரியே பண்ணிட்டேன். எனக்கு ஒர்க்-அவ்ட் ஆகுமாடா?"

"எனக்கு சரியா ஆச்சு. உனக்கும் கண்டிப்பா ஆகும்."

"இருந்தாலும் டௌட்டாவே இருக்குடா."

"சரி, நான் வேணும்னா ட்ரை பண்ணிப்பார்க்கட்டுமா?"

"அடப்பாவி! மித்ர த்ரோகி!"

"டென்ஷன் ஆகாத, நான் ப்ரௌசர்ல எழுத்து சரியாத் தெரியுதான்னு ட்ரை பண்ணிப் பார்க்கட்டுமான்ன்னேன்."

"ஓ, ஹீ, ஹீ. பயந்துட்டேன் ஒரு நிமிஷம். அதானே, நீதான் ஏற்கனவே மாடிக்குப் போக ட்ரை பண்றயே. இரு, 'செல்'ல அவகிட்ட இப்போ மறுபடியும் பார்க்க சொல்றேன்."

"சரி..."

*******************

"டேய் சிவா, என்னடா ஃபோன்ல பேசிட்டு இப்படி பேயறைஞ்ச மாதிரி நிக்கற?"

"அவகிட்ட பேசிட்டேண்டா"

"என்ன சொன்னா? கல்யாணம் பண்ணிக்கலாம்னு சொன்னதும் பயந்துட்டயா?"

"இல்லடா! நான் எழுதினது இப்போ ஃபயர்ஃபாக்ஸ்ல நல்லா தெரிஞ்சதாம்."

"அட, அப்படிப்போடு! அப்போ ஓக்கே சொல்லிட்டான்னு சொல்லு!"

"நீ வேற. படிச்சதும் டென்ஷனாகி கண்டபடி திட்டிட்டா!"

"அப்போ சந்தேகமே இல்லை. கண்டிப்பா சக்ஸஸ்தான். ஃபயர்ஃபாக்ஸ் வாழ்க. அந்த ப்ரைவேட் ப்ளாக்ல இன்னும் ஒரு நாலஞ்சு எண்ட்ரி போட்டுப் படிக்க சொல்லு. நான் களம்பறேன். எனக்கு நேரமாச்சு, மாடில வெய்ட் பண்ணும். அப்படிப் பார்க்காத, வடாகத்தைச் சொன்னேன்."

நீதி: நாம் justify செய்து தமிழில் எழுதியதைத் திருமணம் ஆகாத ஒரு பெண் பார்க்க நேரலாம். பார்த்ததை firefoxலும் சரியாகப் படிக்க வசதிசெய்து கொடுக்க, 'சிவா' பயன்படுத்திய scriptஐ உபயோகிக்கப்பது சாலச்சிறந்தது.